FAQ
© 2025 Staats- und Universitätsbibliothek
Hamburg, Carl von Ossietzky

Öffnungszeiten heute09.00 bis 24.00 Uhr alle Öffnungszeiten Leichte Sprache

Moin! Moin!

Hier büst du richtig! Wona wullt du söken?

Dar kannst du noch mehr finnen

Denn sünd wi för di dar

  • Genauer nakieken

      • In den Katalogplus steiht allns, wat dat an Böker un ‚Medien‘ in de Stabi un in anner gode Bibliotheken geben deit. Du kannst dar ok en paar Milljon ‚elektronische Papiern‘ finnen, de du di to’n Deel man eenfach so ankieken kannst.
      • In den ‚Gemeinsamen Verbundkatalog‘ (GVK) is allns opföhrt, wat dat in de Bibliotheken von de söben Norddüütschen Bundeslänner geben deit. Öber den GVK kannst du di dat bestellen.
      • In de ‚Elektronische Zeitschriftenbibliothek‘ ward en Barg Tietschriften anboden, de een oftmals aber blots lesen kann, wenn een Littmaat von dat Bibliothekssystem is.
      • Öber dat ‚Datenbank-Infosystem‘ kann een gau to weten kriegen, wat allns op de Datenbanken liggen deit. Man ok hier kann een oftmals  blots dann mit dat Lesen wiederkamen, wenn een Littmaat von dat Bibliothekssystem is.

  • Laat di wiesen, wo dat bi uns utsüht

    • Mit en Vördrag un achterna en Rundgang kann een de Stabi kennenlern. Dat gifft en erst Verklarn, wo een mit den Katalogplus ümtogahn hett, wo dat mit das Utlehn funktioneern deit, un man kriggt wat öber de Leessalen, den Utwies to’n Lesen un veles mehr to weten. De Geschichte un de Opdrag von de Stabi ward jüst so verklart. De Föhrungen sünd normalerwies an’n ersten Middeweken von en Monat.

Utwies to‘n Lesen un Utlehn

Hamborg – in de Stabi finnst du meist allns öber uns Stadt

  • Utlehn

    • Bestellen

      De Handböker, Nakieksels un Tietschriften kann jeedeen in de Leessalen to Hand nehmen un dar ok rinkieken. Böker ut de Lehrbooksammlung un de ut den ‚SB-Bereich‘ kann een sölben ut dat Regal nehmen un glieks utlehn.

      Mehrstendeels staht de Böker aber in en Magazinruum, wo sünst keen hinkamen kann. Üm in de Böker rinkieken to können, muss du an’n Computer en Bestellen öber den Katalogplus afschicken. De bestellten Böker kannst du denn an’n nächsten Arbeitsdag von Klock 10 an in de Regalen von’t ‚Ausleihzentrum‘ afholen – Böker ut de ‚Speicherbibliothek‘ sünd an’n Nameddag von Klock 4 an för di dar.

      So lang kannst du utlehn

      Monographien:  4 Weken

      Tietschriften:  2 Weken, üm dar in’n Leessaal rintokieken 

      Wenn dat mal wat länger duern mutt 

      Monographien: höchstens noch dreemal 4 Weken

      Wenn dat so ween schall, denn musst du dat öber dien ‚Benutzerkonto‘ sölben maken. Bi en Book, wat een annern vörbestellt hett, geiht dat nich. 

      Vörbestellen

      Wenn en Book, wo du geern rinkieken wullt, jüst nich dar is, kannst du dat (för en lütte Gebühr) öber den beluga-Katalog vörbestellen.

      En Book trüchgeben 

      De Böker ut de Stabi kannst du ümmer trüchgeben, wenn dar apen is. Kummst du to laat, kost dat dien Geld. 

      Pass op! Enkelte Fachbibliotheken an de Uni hebbt bi’t Utlehn ünnerscheedliche Regeln.

      Utlehn von Böker, de dat blots woanners geben deit

      Wenn du Böker utlehn wullt, de dat in Hamborg nich geben deit, denn bruukst du en Utwies, de för de Bibliotheken von de Uni Hamborg gellen deit, un babento en ‚Fernleih-Coupon‘; den kann een för 1,50 € bi de Stabi kriegen. Dat duert denn meist 1-2 Weken bit dat Book dar is. 

      Wenn du di darför interessiern deist, kannst du geern de Utkunft in’t Informationszentrum fragen; de kann hölpen un verklart di dat.

  • Lern un Arbeiden in de Stabi

    • De Stabi is en Platz, wo een geern lern und arbeiden mag. In dree Leessalen töövt meist 90.000 Böker op di: dat gifft för jedet Flach von de Wetenschop Hand- un Lehrböker, Nakieksels, wichtige Monographien un üm un bi 1000 Tietschriften. 

      • To’n Lesen kannst du di een von öber 900 Arbeitsplätz utsöken; dat gifft lütte Kabüsen för di alleen un Plätz, wo du mit anner tosamen arbeiden kannst.
      • Ünnerscheedlich utstatt sünd ok mehr as 160 Computer-Arbeitsplätz: dat gifft welk, wo du blots na Böker söken kannst – man wi könnt di ok Computers mit ‚Office‘ oder annere Programmen to Gebruuk geben.
      • Wokeen an de Uni Hamborg studeern oder dar arbeiden deit, de kann öberall in de Stabi in’t WLAN kamen. För de annern Lüüd gifft dat Plätze, von wo man in’t Internet kamen kann.
      • An verschieden Plätz gifft dat in de Stabi Geräte, wo een mit drucken un kopiern kann; benutzen kann een de mit ein ‚CopyCard‘. Scanner un Buntdruckers findt een in dat Informationszentrum un in de Medienwarkstell.

  • Öber uns

    • De Stabi – vollstännig heet se „Staats- und Universitätsbibliothek Hamburg Carl von Ossietzky“ – is de gröttste wetenschoplich Bibliothek in Hamborg un is nich blots för de Universität un de annern Hochscholen in de Stadt dar, sondern is ok as Bibliothek för all de Fruuns- und Mannslüüd in de Stadt un de ganze Metropol-Region dar. As ‚Landesbibliothek‘ ward dar all de Böker un wat sünd noch in Hamborg un ümto rutkamen deit sammelt un archiviert.

      Grünnt worrn is Stabi al 1479 un hett in besünner Sammlungen en olen wertvollen Bestand an schreben Schriften ut‘t Meddelöller, nalaten Texten, heel seltene un ole Drucken, Musikstücken un Karten. Tosamen mit de enkelten Fachbibliotheken an de Uni höört de Stabi dat ‚Bibliothekssystem Universität Hamburg‘ to.

  • Kontakt