FAQ
© 2019 Staats- und Universitätsbibliothek
Hamburg, Carl von Ossietzky

Öffnungszeiten heute09.00 bis 24.00 Uhr alle Öffnungszeiten

Deutsch

'Hamborg' in de Theatersammlung von de Stabi

Siet da End von’t 18. Jh. is dat, wat een ‚Börgerliche Theaterkultur‘ nöömt, recht goot dokumentiert: darto höört en lange Reeg Zetteln mit de Naams von de Speellüüd, ok Programmpapiern, Fotoarchiven von enkelte Bühnen un Fotografen

De Theatersammlung von de Stabi hett veel sammelt, wat öber de Geschicht von de Hamborger Theaters in de Speellüüd informeern deit. Langt de Sammlung von Theaterzetteln bet in dat 18. Jahrhunnert trüch, so liggt dat Gewicht mit de schreben un bildlichen Quellen man doch op dat End von’t 19. und in’t  20. Jahrhunnert.

Dat Stadttheater in Hamborg, ca. 1848Dat Stadttheater in Hamborg, ca. 1848

Schreben Quellen:

  • Zetteln mit de Naams von de Speellüüd an’t Theater an’n Goosmarkt un Bühnen de nakamen sünd, gifft dat meist vollstännig siet 1783
  • Programmheften un anner Papiern, de von de Bühnen rutbröcht worrn sünd
  • Theaterkritiken un allgemeen Artikel öber dat Hamborger Theater, so as dat in de Hamborger un Butenhamborger Presse steiht
  • Textböker un besünnere Leesarten von manch en Bühnenstück

För Ogen föhrt ward een de Historie in de Billersammlungen mit Fotos von der Opföhrung un mit Rullenporträts ut dat 19. un 20. Jahrhunnert, Fotoarchiven von Hamburger Bühnen un von enkelte Fotografen, darbi ok dat Archiv von Rosemarie Clausen (1907-1990), de von 1945 bet 1976 in Hamburg arbeidt hett un nich blots dat Bild von Gustaf Gründgens un sien Theater mit ehre meisterhaften Opnahmen prägt hett. Ünner de eersten Plaans (Entwürfe) för Bühnenbiller sünd ok grote Sammlungen von Künstlers, de oftmals öber vele, vele Jahren de Kulissen von en Theater utstaffeert hebbt, so as Alfred Siercke (1910-1985) an de Hamborgisch Staatsoper, Karl Gröning (1897-1980) an’t Düütsche Schauspeelhuus oder Johannes Schröder (1883-1973), de de Macker von Erich Ziegel an de Hamborger Kammerspelen weer, Karl-Albert Dithmer (1907-1992), de för dat Bühnenbild bi‘t Ohnsorg-Theater tostännig weer, un Erich Grandeit (1915-2001), de op dat Rebeet von de Privattheaters ünnerwegens weer.

De Ünnerlagen, de vele Hamborger Bühnen to ehr künstlerischen Arbeiden harrn, sünd in de Sammlung opnahmen worrn, üm dat so de Forschung darto Togang hett un de Erinnerung an dat Theater von güstern ok morgen noch möglich is. Darto höört

  • dat Düütsche Schauspeelhuus un dat Thalia Theater
  • de Hamborger Kammerspele ünner de Intendanz von Ulrich Tukur un Ulrich Waller (1995-2003) as ok ut de Tiet von Ida Ehre (1945-1989)
  • dat Theater in’t Zimmer von Helmut un Gerda Gmelin (1948-1999)
  • besünners mit dat Volkstheater rund üm den Speelbodenplatz hett sik de Sammler un Theaterchronist Paul Möhring beschäftigt, in den sien Ünnerlagen een jüst so in de Theatersammlung von de Staatsbibliothek rinkieken kann

Böker, de dat, wat in de Theatersammlung to finnen is, heel veel Beachtung hebbt tokamen laten:

  • Nichts als Theater : die Geschichte der Hamburger Kammerspiele / [Werner Burkhardt...]. Hrsg. von Ulrich Tukur. - Hamburg : Christians, 2003. - 151 S. : zahlr. Ill.
  • 100 Jahre Deutsches Schauspielhaus (1999) / [hrsg. vom Zentrum für Theaterforschung der Universität Hamburg ... Autoren: Manfred Brauneck ...]. - Hamburg [u.a.] : Dölling & Galitz, 1999. - 314 S. : zahlr. Ill.
  • Theaterstadt Hamburg : Schauspiel, Oper, Tanz ; Geschichte und Gegenwart / hrsg. vom Zentrum für Theaterforschung der Universität Hamburg. Manfred Brauneck. - Reinbek bei Hamburg : Rowohlt, 1989. - 222 S. : Ill.
Dr. Jürgen Neubacher


Historische Bestände, Sondersammlungen, Musikhandschriften und -drucke
E-Mail: juergen.neubacher@sub.uni-hamburg.de
Telefon: +49 40/42838-5856
Telefax: +49 40/42838-3352

Handschriftenlesesaal


Öffnungszeiten: Mo-Mi + Fr 10-16, Do 10-18
E-Mail: HandLS@sub.uni-hamburg.de
Telefon: +49 40/42838-5850
Telefax: +49 40/42838-3352