FAQ
© 2018 Staats- und Universitätsbibliothek
Hamburg, Carl von Ossietzky

Öffnungszeiten heute10.00 bis 24.00 Uhr alle Öffnungszeiten

Deutsch English

Service ‘Hamborg‘

De Leessaal is mit öber 13.000 Böker, de all mit Hamborg un ganz Norddüütschland to doon hebbt, dat Hart von’t Ganze

Hamborg-Leessaal

De Stabi sammelt, heegt un pleeg as Landesbibliothek von de Free’e un Hansestadt Hamborg allns, wat mit de Vergangenheit un de Besünnerheiten von de Stadt un ümto to doon hett. De wichtigsten von düsse Böker staht in den Hamborg-Leessaal.

Bestand

Öber 13.000 Böker ut ünnerscheedliche Fachgebiete (t.B. Geschichte, Kultur, Verwaltung, Weertschop), de abers all wat mit Hamborg un ganz Norddüütschland to doon hebbt, kann een hier glieks to Hand nehmen. To’n Deel hett de Bibliothek sogar en twetes Exemplar, so dat een düt Book denn utlehn kann.

Benutzen

In’n Allgemeen kann een de Böker ut den Leessaal nich utlehn. De Utkunft in‘n Hamborg-Leessaal kann di abers genau verklaren, wat geiht un wat nich – un för dien Söken kannst du dar ok geern fragen.

Genauer nakieken

Wenn du wat to de Hamborg-Literatur von der Stabi (Böker un Tietschriften) nakieken wullt, kannst du dat öber den beluga-Katalog, den Regionalkatalog un de Hamborg-Bibliographie maken. Wenn se na 1992 rutkamen sünd, staht öberto in de Hamborg-Bibliographie online alle Opsätze ut Tietschriften un Sammelbänn‘ un ok manch en Artikel ut en von de Narichtenblööd. De Angaben för dat, wat fröher as 1992 rutkamen is, ward na un na darto doon. Hamborg-Literatur ut de Jahrn 1900-1992 kann een ok in de „Bücherkunde zur hamburgischen Geschichte“ finnen; de steiht in’n Hamborg-Leessaal (Signatur: HH 2604/1) un in‘n Leessaal 3 (Signatur: B Reg 306).

Noch mehr to’n Nakieken:

Hamborger Bibliotheksföhrer

Hier is wat los! - Terminen op ‚HamborgWeten Digital‘

Archivföhrer ‚HamborgWeten Digital‘

Kontakt:

Hamborg-Leessaal


Denn sünd wi för di dar: Mo-Fr Klock 9-24, Sa-So Klock 10-24
E-Mail: eckhard.schmidt@sub.uni-hamburg.de
Telefon: +49 40/42838-5860
Telefax: +49 40/42838-3352