FAQ
© 2018 Staats- und Universitätsbibliothek
Hamburg, Carl von Ossietzky

Öffnungszeiten heute09.00 bis 24.00 Uhr alle Öffnungszeiten

Deutsch English

Hamborg

De Stabi is de Landesbibliothek von der Free‘e un Hansestadt Hamborg. Un darüm sammelt, heegt un pleegt se allns, wat mit de Vergangenheit un de Besünnerheiten von de Stadt un de Metropolregion ümto to doon hett.
Öber uns

Hier kannst du nakieken, wat du in de Stabi allns öber Hamborg to weten kriegen kannst; dat langt von Infomationen to de ünnerscheedlichen Sammlungen bet to de ‚Presse‘, de dat hier siet Jahrhunnerten geben deit, un de velen Utstellungen in de Stabi. 

Service ‘Hamborg‘

De Leessaal is mit öber 13.000 Böker, de all mit Hamborg un ganz Norddüütschland to doon hebbt, dat Hart von’t Ganze. Öberto hölpt wi di geern bi dien Söken na Böker un Kraam; du kannst abers ok in lütte Info-Papiern (Broschüren) kieken.

Böker ut Hamborg höört in de Stabi

Wiel de Stabi de Landesbibliothek von Hamborg is, ward siet 1696 von all de Böker, de in Hamborg druckt worrn sünd, ümmer en Exemplar an de Stabi afgeben; in de letzten Jahrn gellt dat ok för Schallplatten, CDs un Kraam – so gifft dat för Hamborg en ‚komplette Publikationsgeschichte‘.

HamborgWeten Digital

Du söchst kloke Texten oder Biller von dar, wo du in Hamborg wohnen deist? Du wullt gau wat Aktuelles in’t Internet öber Hamborg weten? HamborgWeten Digital hett hier allns, wat dat Wichtiges öber Hamborg in’t ‚Net‘ geben deit, tosamenstellt – enmal hier rinkieken spaart di veel Söken an anner ünnerscheedliche Stelln.

Hamborg-Bibliographie

In de Hamborg-Bibliographie is allns opföhrt, wat een druckt oder elektronisch nakieken kann, wenn dat denn mit Hamborg oder en wichtigen Minschen ut Hamborg tohoophangen deit. Opnahmen hett man de Angaben von Böker, Tietschriften, Karten, Atlanten, Opsätze, wat in’t Blatt stahn hett un veles mehr.

HamborgWeten Digital

Du söchst kloke Texten oder Biller von dar, wo du in Hamborg wohnen deist? Du wullt gau wat Aktuelles in’t Internet öber Hamborg weten? HamborgWeten Digital hett hier allns, wat dat Wichtiges öber Hamborg in’t ‚Net‘ geben deit, tosamenstellt – enmal hier rinkieken spaart di veel Söken an anner ünnerscheedliche Stelln.

Linksammlung Hamborg

Dörch dat Anklicken von de Links ut de ‚Linksammlung Hamborg‘ kann een üm un bi 850 Internet-Sieden opropen, wo een wat öber dat Leben in Hamborg von güstern un hüüt finnen deit. De Links gaht in de Politik un Weertschop jüst so, as to Institutionen von de Gesellschop un Kultur – un ok na Themen sortiert kann en sien Klick setten.

HANS-Katalog: Handschriften un Autographen von bekannte Lüüd

Wat du in den HANS-Katalog finnen kannst, wiest di al de Naam: HANS steiht för Handschriften un Autographen von bekannte Lüüd, öberto finnst du dar nalaten Schriften von Dichterslüüd, Künstlers, Musikers un Lüüd ut de Wetenschop, de in de letzten Jahrhunnerte in Hamborg un ümto leeft hebbt; un en paar besünner Sammlungen höört ok darto.

Schaufinster

Anhand von ole Biller en Spazeergang an de Alster oder dörch den Haben maken, Interessantes ut dat Leben un Wark von heel bekannte Hamborgers as Wolfgang Borchert, Klopstock, Jungius oder Hasse to weten kriegen, all de ‚Bardörper Blogs‘ oder aktuelle Blogs ankieken – dar gifft dat veel to entdecken in uns groot Hamborg-Schaufinster.