FAQ
© 2024 Staats- und Universitätsbibliothek
Hamburg, Carl von Ossietzky

Öffnungszeiten heute09.00 bis 24.00 Uhr alle Öffnungszeiten Leichte Sprache

Hamborg

De Stabi is de Landesbibliothek von der Free‘e un Hansestadt Hamborg. Un darüm sammelt, heegt un pleegt se allns, wat mit de Vergangenheit un de Besünnerheiten von de Stadt un de Metropolregion ümto to doon hett.
Öber uns

Hier kannst du nakieken, wat du in de Stabi allns öber Hamborg to weten kriegen kannst

Service ‘Hamborg‘

De Leessaal is mit öber 13.000 Böker, de all mit Hamborg un ganz Norddüütschland to doon hebbt, dat Hart von’t Ganze. Een wiederen Deenst is uns Hamborg-Snackstünn to Themen rund üm de Hansestadt.

Stabi HamburgHub

De Stabi HamburgHub maakt di den Weg free in de Welt vun de Wetenschop, liekers in de Zentraalbibliothek vun de Bücherhallen Hamburg.

 

Böker ut Hamborg höört in de Stabi

Wiel de Stabi de Landesbibliothek von Hamborg is, ward siet 1696 von all de Böker, de in Hamborg druckt worrn sünd, ümmer en Exemplar an de Stabi afgeben; in de letzten Jahrn gellt dat ok för Schallplatten, CDs un Kraam – so gifft dat för Hamborg en ‚komplette Publikationsgeschichte‘.

Digitalisierte Bestände ‘Hamborg‘

Wenn dar keen annern mehr den Dumen op hett un de Rechten free sünd, ward na un na de velen olen Böker, Tietschriften, Karten, Stadtansichten, Biller, nalaten Papiern un schreben Schriften, de wat mit Hamborg to doon hebbt, so torecht maakt, dat jeedeen dat an’n Computer ankieken kann.

HamborgWeten Digital

En Barg elektronische Daten, de dat to Hamborg geben deit.

 

Hamborg-Bibliographie

In de Hamborg-Bibliographie is allns opföhrt, wat een druckt oder elektronisch nakieken kann, wenn dat denn mit Hamborg oder en wichtigen Minschen ut Hamborg tohoophangen deit. Opnahmen hett man de Angaben von Böker, Tietschriften, Karten, Atlanten, Opsätze, wat in’t Blatt stahn hett un veles mehr.

Webarchiv Hamborg

För dat Webarchiv Hamborg sammelt und bewahrt de Stabi tosamen mit de Düütsche Nationalbibliothek in Frankfort Websieden, de dat in Hamborg gifft.

 

 

 

 

 

 

 

 

 

Kalliope-Verbundkatalog: Handschriften un Autographen von bekannte Lüüd

Wat du in den Kalliope-Verbundkatalog finnen kannst: Handschriften un Autographen von bekannte Lüüd un en paar besünner Sammlungen höört darto.

 

Schaufinster

Anhand von ole Biller en Spazeergang an de Alster oder dörch den Haben maken, Interessantes ut dat Leben un Wark von heel bekannte Hamborgers as Wolfgang Borchert, Klopstock, Jungius oder Hasse to weten kriegen, all de ‚Bardörper Blogs‘ oder aktuelle Blogs ankieken – dar gifft dat veel to entdecken in uns groot Hamborg-Schaufinster.