FAQ
© 2019 Staats- und Universitätsbibliothek
Hamburg, Carl von Ossietzky

Öffnungszeiten heute09.00 bis 24.00 Uhr alle Öffnungszeiten

Deutsch

Hamborg 1883 | 2016: De nördliche Grasbrook tomals un hütigendaags

Hier kummst du in’t Wunnerwarken! In uns Billergalerie kannst du anhand von historische un aktuelle Fotos op dat Flach von de Spikerstadt bummeln gahn.

Kort beför dat mit den Bo von de Spikerstadt losgüng, hett de Fotograf Georg Koppmann 1883 von de Stadt Hamborg den Opdrag kregen: He schull de Wohnhüüs, de för de Spikerstadt Platz maken müssen, fotografeern, un so de groten Verännerungen fassholen. So is dat to de Opnahmen von de ehemaligen Elvinseln Kehrwedder un Wandrahm kamen, de hütigendaags Inblicke in de fröhe Tiet von de Stadtentwicklung geben doot.

Dat de Biller in de Sammlung „Hamburg 1883. Aufnahmen der niederzulegenden Stadttheile“ ok elektronisch an’n PC antokieken sünd, weer in’n September 2016 de Anlass, se in den Stabi-Blog in söss Delen „Hamburg 1883 | 2016 – De nördliche Grasbrook tomals un hütigendaags“ vörtostellen. De 36 olen Biller, de du komplett sölben rünnerladen kannst, ward en Foto ut de hütigen Dagen to Siet stellt, dat – wenn dat denn möchlich weer – von den sölben Punkt opnahmen is, as dat ole Foto. En lütten Text verklart, wat dat Besünnere op de Fotos is.

Darmit een sik ok op de historischen Opnahmen trechfinnen deit, gifft dat an’n End  von düsse Siet en Utschnitt ut en amtlichen Hamborger Stadtplaan von 1868 (Signatur: Kt H 180: 1,1868  Gesamtdownload).

De Naams von der Straten un Fleeten sünd in de Texten to de Biller nich in’t Plattdüütsche öberdragen worrn, üm dat een sik op de Karten beter trechfinnen kann.

 

Amtlicher Stadtplaan von 1868

De Stadtplaan von 1868 (hier kannst du em rünnerladen) is von de ölleren amtlichen Stadtplaans ut de twete Hälfte von’t 19. Jahrhunnert, de von der Stabi al digitalisiert worrn sünd, dejenige, de am genauesten is. Ok wenn to de Tiet, as Georg Koppmann sien Fotos maakt hett, de Plaan al 15 Jahr olt weer, sünd dar all de wichtigen Saken op to finnen.

Amtlicher Stadtplaan von 1868