FAQ
© 2018 Staats- und Universitätsbibliothek
Hamburg, Carl von Ossietzky

Öffnungszeiten heute10.00 bis 24.00 Uhr alle Öffnungszeiten

Deutsch English

Öber uns

Hier kannst du nakieken, wat du in de Stabi allns öber Hamborg to weten kriegen kannst

Rickmer Rickmers auf der Elbe in Hamburg

De Stabi sammelt, heegt un pleegt as Landesbibliothek von de Free’e un Hansestadt Hamborg allns, wat mit de Vergangenheit un de Besünnerheiten von de Stadt un ümto to doon hett. Soveel as man jichtens an Literatur öber Hamborg un bekannte Hambörger Lüüd kriegen kann, ward sammelt. Dat is Tradition un gifft dat al siet den Anfang von de ‚Raats- un wetenschoplich Stadtbibliothek‘ to Beginn von dat 15. Jahrhunnert. Söken un Nakieken kann een de Literatur in de ‚Hamborg-Bibliographie‘. Vele von de Böker staht in den Hamborg-Leessaal. De Links ut de ‚Linksammlung Hamborg‘, wo een wat öber dat Leben in Hamborg von güstern un hüüt finnen deit, ward ümmer denn aktualisiert, wenn dat wat Nee’es to verkünnen gifft. 

En grote digitale Bibliothek mit Nakieksels, vele ole Böker, Tietschriften, Karten un Biller, de wat mit Hamborg to doon hebbt, kann een in de 'Digitalisierten Bestände Hamborg' finnen. Tosamen mit en Barg anner elektronische Daten, de dat to Hamborg geben deit (Biller, Statistiken, Geodaten, Texten, Artikel ut dat Blatt, Listen öber dat, wat in Archiven un Museen lagern deit un veles mehr), is dat all in‘t Internet-Portal ‚HamborgWeten Digital‘ opföhrt un kann dar mit’n Computer söcht warrn. Wo ünnerscheedlich de Kultur un Wetenschop in Hamborg is, dat ward von de Stabi in Utstellungen un op Veranstaltungen wiest. Afrunnt ward all de Opgaben von de Stabi as Landesbibliothek dardörch, dat all Böker, Schallplatten, CD‘s un Kraam, de in Hamborg rutkamen sünd, bi de Stabi aftogeben sünd un dar sammelt ward, so dat een dat allns öber den beluga-Katalog oder öber den speziellen Katalog för CD’s, Schallplatten un Kassetten (‚Tonträger-Datenbank‘) finnen kann.